Չպատվաստված քաղաքացիների դեպքում քովիդի բուժումը ՀՀ-ում հնարավոր է դառնա վճարովի

Չպատվաստված քաղաքացիների բուժումը կորոնավիրուսային հիվանդության դեմ Հայաստանում առաջիկայում կլինի վճարովի:

Այս մասին «Հայկական Ժամանակ»-ի հետ զրույցում ասաց առողջապահության նախարարի մամուլի խոսնակ Հռիփսիմե Խաչատրյանը:

Այս հարցն արդեն քննարկվում է նախարարությունում: Խոսքը բավականին թանկարժեք բուժման մասին է: Բուժումը քաղաքացիների համար կարժենա միջինում 800 հազար դրամ: Խաչատրյանը, սակայն, չնշեց, թե փոփոխությունը կոնկրետ երբ տեղի կունենա:

Հիշեցնենք՝ մեզ մոտ կորոնավիրուսային հիվանդությամբ վարակված քաղաքացիները այս պահի դրությամբ բուժում են ստանում պետության միջոցների հաշվին: