Պաղպաղակի կոն պատրաստելու մեքենան հայտնագործողը հայ է

Պաղպաղակի պատմությունը սկսվել է ավելի քան չորս հազար տարի առաջ։ Հին Չինաստանում պաղպաղակ հիշեցնող աղանդերի մի տեսակ է եղել, իսկ իրականում այն մրգի կտորներով ձյուն է եղել, որը շատ են սիրել չինացիները։ Իսկ, օրինակ, հին հույները հաճույքով համտեսել են սառեցված կաթնամթերքը։ Արշավների ժամանակ Ալեքսանդր Մակեդոնացին իր զինվորներին մեղրից, սառույցից ու մրգերից պատրաստված աղանդեր է հյուրասիրել։ Սկզբում պաղպաղակը վաճառվել է ափսեներով և միայն քաշով: Իսկ արդեն 19-րդ դարի վերջին պաղպաղակը սկսեցին վաճառել նաև թղթով:

Մերօրյա պաղպաղակին ավելի նման քաղցրավենիքի մասինեվրոպացիներին պատմել է իտալացի հայտնի ճանապարհորդ Մարկո Պոլոն։ Շուրջերկրյա ճամփորդության ժամանակ նա Չինաստանում այնքան էր հավանել պաղպաղակը, որ հայրենիք վերադառնալուն պես բոլորին պատմում էր այդ հրաշքի մասին: Ի դեպ՝ որոշ աղբյուրներ վստահեցնում են, որ Չինաստանում 5000 տարի առաջ պաղպաղակ են պատրաստել։ Այն եղել է ընտրյալների ու բարձրաշխարհիկ անձանց սիրելի քաղցրավենիքը, որի բաղադրատոմսը մեծ խորհրդավորությամբ ու խստությամբ թաքցրել են։

1921 թվականին հայազգի Հարրի Թաթոյանը հայտնագործել է պաղպաղակի կոն պատրաստելու մեքենան: Որակյալ պաղպաղակը պետք է ունենա հաճելի համ, ուտելիս պետք է զգացվի կաթի և կարագի առկայությունը։ Նրա մեջ չպետք է լինեն սառույցի կտորներ, և այն պետք է հալվի շատ դանդաղ: