Պատգամավորներն իրենց աշխատավարձից «Հայաստան» համահայկական հիմնադրամին գումար կփոխանցեն

ԱԺ պատգամավոր Իվետա Տոնոյանը իր ֆեյսբուքյան էջում հայտնել է, որ իր աշխատավարձից 10.000 դրամ կփոխանցվի «Հայաստան» համահայկական հիմնադրամին.

«Սիրով ընդունում եմ գործընկերոջս` Վահե Էնֆիաջյանի մարտահրավերը, և յուրաքանչյուր ամիս իմ աշխատավարձից 10.000 դրամ կփոխանցվի «Հայաստան» համահայկական հիմնադրամին:
Մարտահրավերի էստաֆետը փոխանցում եմ իմ գործընկեր Արման Աբովյանին»:

*

ԱԺ պատգամավոր Վահե Էնֆիաջյանն իր ֆեյսբուքյան էջում հայտնել է, որ յուրաքանչյուր ամիս իր աշխատավարձից 10.000 դրամ կփոխանցվի «Հայաստան» համահայկական հիմնադրամին.

«Ընդունում եմ գործընկերոջս` Ալեն Սիմոնյանի  մարտահրավերը:
Հայտնում եմ, որ յուրաքանչյուր ամիս իմ աշխատավարձից 10.000 դրամ կփոխանցվի «Հայաստան» հիմնադրամին:
Վստահ եմ, որ անհրաժեշտ է համախմբվել յուրաքանչյուր ազգանվեր գաղափարի շուրջ:
Իմ հերթին մարտահրավեր եմ նետում Իվետա Տոնոյանին….»:

*

ԱԺ փոխնախագահ Ալեն Սիմոնյանն այսօր միացավ վարչապետ Նիկոլ Փաշինյանի նետած մարտահրավերին՝ ամսական որոշակի գումար փոխանցել «Հայաստան» հիմնադրամին։ Սիմոնյանը կոչ արեց գործընկերներին միանալ այդ նախաձեռնությանը։

«Մեր աշխատավարձն այնքան էլ բարձր չէ»,- ասաց Ալեն Սիմոնյանն ու շարունակեց, որ իրենք շատ արարողակարգային ծախսեր են անում։

Այնուամենայնիվ, Սիմոնյանն ասաց, որ ԱԺ 3 խմբակցությունների բոլոր պատգամավորներին կոչ է անում միանալ հանգանակությանը՝ խոստանալով, որ ինքը ամսական 10 հազար դրամ կփոխանցի հիմնադրամին։

Սիմոնյանը մարտահրավեր նետեց ԱԺ մյուս երկու փոխնախագահներին՝ Լենա Նազարյանին ու Վահե Էնֆիաջյանին։