Պատերազմի հետևանքով լսողությունը կորցրած զինվորները կվիրահատվեն

Medical drip in hospital corridor, concept of treatment

44-օրյա պատերազմի ժամանակ լսողությունը կորցրած զինվորները կվիրահատվեն և կստանան լսողական սարքերի իմպլանտներ։ Նրանք ներառվել են հատուկ ծրագրում, որի շրջանակներում արդեն 15 տարի վիրահատություններ էին իրականացվում լսողությունը կորցրած երեխաների շրջանում։ Առողջապահության նախարարության մամուլի ծառայությունը հայտնում է, որ այսօր առողջապահության նախարարի պաշտոնակատար Անահիտ Ավանեսյանը հանդիպել է Հայկական միջազգային բժշկական հիմնադրամի հիմնադիր-նախագահ Սալբի Ագարակյանի և Լոս Անջելեսի կալիֆոռնիական համալսարանի (UCLA) քիթ-կոկորդ-ականջաբան Ակիրա Իշիյամայի հետ:
2004 թվականից ի վեր` յուրաքանչյուր տարի, հենց Հայկական միջազգային բժշկական հիմնադրամը բժիշկ Ակիրա Իշիյամայի հետ համատեղ է իրականացնում վիրահատությունները։
Նախարարությունից նաև հայտնում են, որ 2020-2021 թվականների ընթացքում նախարարի հրամաններով փոխհատուցվել են 11 երեխայի վիրահատության և հետվիրահատական վերականգնողական բուժման ծախսերը: