Պատվաստումների ամենաբարձր ցուցանիշը Երևանում է, Արարատում և Վայոց ձորում

Հանրապետությունում COVID-19-ի դեմ պատվաստումների ամենաբարձր ակտիվություն նկատվում է Երևանում: Այստեղ պատվաստումների ցուցանիշը կազմում է 43.9 տոկոս: Երևանին հաջորդում է Արարատը՝ 43.2 տոկոսով, այնուհետև Վայոց ձորը՝ 42.9 տոկոսով:  ՀՀ առողջապահության նախարարության հրապարակած տվյալների համաձայն, կորոնավիրուսի դեմ պատվաստվելու ցուցանիշը ամենապասիվը Լոռու (36.2 տոկոս), Սյունիքի (34 տոկոս), Տավուշի (31.6 տոկոս) մարզերն են: Թե առաջին, թե երկրորդ դեղաչափի պարագայում ավելի շատ պատվաստվել են տղամարդիկ, քան կանայք: