Պուտինը վարչապետի նոր թեկնածու է առաջադրել

ՌԴ արդեն նախկին վարչապետ Դմիտրի Մեդվեդևի հրաժարականից ժամեր անց Վլադիմիր Պուտինը երկրի վարչապետի նոր թեկնածու է առաջադրել։ Ռուսաստանի նախագահն այդ պաշտոնն առաջարկել է երկրի հարկային ծառայության տնօրեն Միխայիլ Միշուստինին։

Միշուստինի համաձայնությունը ստանալուց հետո նախագահը նրա թեկնածությունը ուղարկել է Ռուսաստանի խորհրդարանի հաստատմանը։

Ռուսաստանի ղեկավար Վլադիմիր Պուտինը Դաշնային ժողովին հղած իր ամենամյա ուղերձում առաջարկել է խստացնել նախագահի թեկնածուներին ներկայացվող պահանջները: :Պետության գործող ղեկավարի կարծիքով՝ նախագահի թեկնածուները պետք Է Ռուսաստանում ապրեն 25 տարուց ոչ պակաս և երբեք օտարերկրյա քաղաքացիություն չունենան:

«Էլ ավելի խիստ պահանջներ պետք է կիրառվեն այն անձանց նկատմամբ, որոնք հավակնում են Ռուսաստանի Դաշնության նախագահի պաշտոնին: Այստեղ առաջարկում եմ ամրագրել Ռուսաստանում տարածքում 25 տարուց ոչ պակաս մշտական բնակության, ինչպես նաև օտարերկրյա քաղաքացիության բացակայության կամ այլ պետությունում կեցության իրավունքի մասին պահանջները, ընդ որում՝ ոչ միայն ընտրություններին մասնակցելու պահին, այլև երբևէ ավելի վաղ»,- ասել է նախագահ Պուտինը: