ՌԴ ընդդիմության առաջնորդ Նավալնու թունավորումը հաստատվել է

Գերմանական Charité հիվանդանոցը, որտեղ բուժվում է Ռուսաստանի ընդդիմության առաջնորդ Ալեքսեյ Նավալնին, հայտարարել է, որ ըստ հետազոտության արդյունքների՝ քաղաքական գործիչը թունավորվել է, հայտնում է BBC-ն:

Գերմանացի բժիշկների պաշտոնական զեկույցում ասվում է, որ «կլինիկական զննումի արդյունքները ցույց են տալիս թունավորում մի խումբ ակտիվ նյութերով, որոնք կոչվում են cholinesterase inhibitors:

«Թունավոր նյութի պարունակությունը դեռ անհայտ է, բայց դրա ազդեցությունն օրգանիզմում բազմիցս ապացուցվել է անկախ լաբորատորիաներում»,- նշվում է հաղորդագրության մեջ:

Charité-ն նաև հավելում է, որ «հիվանդը դարձյալ կոմայի մեջ է»: «Նրա վիճակը շարունակում է մնալ լուրջ, բայց այս պահին նրա կյանքին անմիջական սպառնալիք չկա»,- ասված է հիվանդանոցի հայտարարության մեջ: