ՌԴ վարչապետի մոտ կորոնավիրուս է հաստատվել

ՌԴ վարչապետ Միխայիլ Միշուստինը վարակվել է կորոնավիրուսով եւ ինքնամեկուսացել: Այս մասին հայտնում է  РИА новости-ն:

Տեսակոնֆերանսի ժամանակ Միշուստինը նախագահ Պուտինին տեղեկացրել է, որ իր հանձնած թեստի պատասխանը դրական է եղել: Ինքը կինքնամեկուսանա եւ կհետեւի բժիշկների ցուցումներին:

«Դա շատ կարեւոր է գործընկերներիս չվտանգելու համար»,- ասել է Միշուստինը:Միաժամանակ Միշուստինը նշել է, որ կառավարությունը կշարունակի իր աշխատանքը սահմանված կարգով, իսկ ինքը հեռախոսա եւ տեսակապով կապի մեջ կլինի նախագահ Պուտինի եւ գործընկերների հետ: