Ռուս բլոգերը Պուտինին և Էրդողանին անվանել է նույն ձվից ելած երկվորյակներ

Russian President Vladimir Putin (L) greets his Turkish counterpart Tayyip Erdogan during a meeting at the Kremlin in Moscow, Russia April 8, 2019. Sputnik/Alexei Nikolsky/Kremlin via REUTERS ATTENTION EDITORS - THIS IMAGE WAS PROVIDED BY A THIRD PARTY. - RC1FB743D560

Թուրքական լրատվամիջոցները, հղում տալով ռուսական «Эхо Москвы» կայքին, ներկայացնում են կայքի բլոգերներից ռուս քաղաքագետ Իվան Չումակովի դիտարկումը Թուրքիայի նախագահ Ռեջեփ Թայիփ Էրդողանի և Ռուսաստանի Դաշնության նախագահ Վլադիմիր Պուտինի՝ Մոսկվայում կայանալիք հանդիպումից առաջ։

Չումակովը մասնավորապես նշել է, որ Թուրքիայի և Ռուսաստանի նախագահները դեռ արջը չսատկած փորձում են նրա մորթին բաժանել իրար մեջ։

Ռուս բլոգերը նաև նմանացրել է Պուտինին և Էրդողանին՝ նրանց անվանելով նույն ձվից ելած երկվորյակներ։

Իվան Չումակովն ասել է. «Երկու երկրների առաջնորդներն էլ Սիրիայի բախումներից քաղաքական շահ են ուզում ստանալ և երկու երկրներում էլ առկա տնտեսական խնդիրների պայմաններում փորձում են իրենց ոտքի կանգնած մնալու համար օգտագործել այս խնդիրը»։   

Ռուս բլոգերը արտահայտում է այն միտքը, որ Էրդողանն ու Պուտինը կարծես պայմանավորված կռիվ են անում, որպեսզի հաղթահարեն իրենց քաղաքական իշխանության առջև ծառացող խոչընդոտները։