Սաակաշվիլին բանտում կմնա առնվազն 6 տարի․ Ղարիբաշվիլի

Վրաստանի նախկին նախագահ Միխեիլ Սաակաշվիլին պայմանական վաղաժամկետ ազատ չի արձակվի բանտից։Այս մասին լրագրողներին հայտնել է հանրապետության վարչապետ Իրակլի Ղարիբաշվիլին, գրում է «Իզվեստիա» թերթը։Նա ընդգծել է, որ Սաակաշվիլին կմնա անազատության մեջ այնքան ժամանակ, քանի դեռ դատարանի վճռով սահմանված ժամկետն ամբողջությամբ չի սպառվել։

«Միտումնավոր տեղեկատվություն է տարածվում այն մասին, թե իբր ինքը չի նստի, որ իրեն կփոխանցեն Ուկրաինային և այլն։ Բացառված է, որ Սաակաշվիլին վաղաժամ դուրս գա բանտից։ Նա այնտեղ կմնա առնվազն 6 տարի»,- ասել է Ղարիբաշվիլին։