ՍԴ-ում ԱԺ ներկայացուցիչը միջնորդել է հետաձգել հուլիսի 7-ին նշանակված գործի քննությունը

ՀՀ Սահմանադրական Դատարան

Սահմանադրական դատարանում ԱԺ ներկայացուցիչը միջնորդություն է ներկայացրել ՍԴ՝ խնդրելով հետաձգել 2020թ․ հուլիսի 7-ին նշանակված գործի քննությունը, ԱԺ-ին տրամադրել ՄԻԵԴ և ՎՀ խորհրդատվական կարծիքների հայերեն թարգմանությունները, ինչպես նաև ողջամիտ ժամկետ այդ կարծիքներին ծանոթանալու համար։

Այս մասին հայտնում են ԱԺ հասարակայնության հետ կապերի և հըաղորդակցության վարչությունից։

Հիշեցնենք, որ հուլիսի 7-ին նշանակված է Քրեական օրենսգրքի 300.1 հոդվածի սահմանադրականության որոշման հարցը։

Այդ հարցով ՍԴ էին դիմել ՀՀ երկրորդ նախագ Ռոբերտ Քոչարյանն ու նրա պաշտպանները, ինչպես նաև ընդհանուր իրավասության դատարանի դատավոր Դավիթ Գրիգորյանը։ Հիշեցնենք, որ հենց այս հոդվածի հատկանիշներով է մեղադրանք առաջադրվել Ռոբերտ Քոչարյանին։

Օրեր առաջ Ռոբերտ Քոչարյանի պաշտպանները հայտարարեցին ՍԴ-ից իրենց դիմումը հետ վերցնելու մասին։