Սիգի որսն արգելված է, իսկ փողոցներում ամենուր սիգ է վաճառվում․Նախարարը կոչ է անում չգնել

Շրջակա միջավայրի նախարար Էրիկ Գրիգորյանը քաղաքացիներին կոչ է անում ՝ չգնել ձվադրած ձկներ, ինչը կսահմանափակի որսը ձվադրման շրջանում։ Սիգի որսն արգելված է, իսկ փողոցներում ամենուր սիգ է վաճառվում։ Վերահսկողության պատասխանատուն «Սևան» ազգային պարկն է, որի գործունեությամբ նախարարն ինքն էլ  բավարարված չէ։

Ինչ վեաբերում է Սևանա լճին, ապա նախարարն ամփոփիչ ասուլիսի ժամանակ ասաց, որ տասնյակ տարիներ Սևանը բազմաթիվ ճնշումների է ենթարկվել, խորհրդային տարիներին ջրի մակարդակն իջեցրել են, հետո նորից բարձրացրել։ Այդ ամենն իր ազդեցություն է ունեցել լճի  էկոհամակարգի վրա։ «Նախկինում կարծում էին, որ Սևանի ջրի մակարդակի 6 մետր բարձրացումը կարող է որակական փոփոխություն բերել, բայց կեղտաջրերի մեծ հոսքի պայմաններում  այդ լուծումն արդեն բավարար չէ»,-ասում է Գրիգորյանը։