Ստավրոպոլում սպանվել է քրեական հետախուզության պետի հայազգի տեղակալը

ՌԴ Ստավրոպոլ քաղաքում անհայտ անձը գնդակահարել է ոստիկանության բաժանմունքի քրեական հետախուզության պետի տեղակալ Ռուսլան Աբովյանին: Տեղեկությունը հայտնում են ռուսաստանյան լրատվամիջոցները։

ՌԻԱ Նովոստին նաև տեսանյութ է հրապարակել, որում երևում է, որ տղամարդը մոտեցել է ոստիկանական ավտոմեքենային ու դիմահար կրակ բացել ոստիկանության պաշտոնյայի վրա։ Նախնական տեղեկություններով` Աբովյանն առնվազն 9 վնասվածք է ստացել և մահացել հիվանդանոցում։

ՌԴ քննչական կոմիտեի մարզային վարչությունից լրատվամիջոցին հայտնել են, որ ձերբակալվածը 28 տարկան է, նրա անունը չի հրապարակվում։ Նշվում է, որ առաջիկայում նրան կտեղափոխեն քննչական կոմիտե՝ քննչական գործողություններ կատարելու համար։