Վաղը կենդանաբանական այգում Ձմեռ պապի եւ մուլտհերոսների մասնակցությամբ միջոցառումներ կանցկացվեն. մուտքը կլինի անվճար

Երեւանի քաղաքապետարանը հրավիրում է կենդանաբանական այգի: Այդ մասին տեղեկացնում է քաղաքապետարանի պաշտոնական կայքէջը:

Դեկտեմբերի 21-ին Երևանի կենդանաբանական այգին հրավիրում է մասնակցելու նախատոնական յուրօրինակ միջոցառումների:

Այդ օրը՝ ժամը 10:00-ից այգու մուտքը բոլոր այցելուների համար կլինի անվճար:

Հիմնական միջոցառումները կմեկնարկեն ժամը 17:00-ին:

Մանուկները տոնական ծրագրի ընթացքում կզարդարեն եղևնին, կմասնակցեն ինտելեկտուալ, ճանաչողական վիկտորինաների և տարատեսակ խաղերի, կենդանիների մասին կիմանան հետաքրքիր տեղեկություններ, և այս ամենը՝ Ձմեռ պապի, Ձյունանուշի և սիրված մուլտհերոսների մասնակցությամբ: