Վանեցյանին կանչել են ԱԱԾ

 ՀՀ ԱԺ «Պատիվ ունեմ» խմբակցության ղեկավար, «Հայրենիք» կուսակցության նախագահ Արթուր Վանեցյանը հրավիրվել է ԱԱԾ հարցաքննվելու։Sputnik Արմենիայի հետ զրույցում այս մասին ասել է կուսակցության մամուլի խոսնակ Սոս Հակոբյանը։«Նա կանչվել է որպես վկա` մեծ հաշվով իրեն չվերաբերող քրեական գործով։ Այլ մանրամասներ չեմ կարող հաղորդել, քանի որ գաղտնիք է համարվում»,– նշեց Հակոբյանը։Հիշեցնենք, որ Արթուր Վանեցյանին ԱԱԾ կանչել էին նաև 2020 թվականի նոյեմբերի 16-ին, սակայն չի հաղորդվել, թե ինչ գործի շրջանակում և ինչ կարգավիճակով։