Վրաստանը հունիսի 1-ից բացում է ցամաքային սահմանները

Վրաստանը կբացի հունիսի 1-ից ցամաքային սահմանները։ Այս մասին հայտարարել է կորոնավիրուսի դեմ պայքարի միջգերատեսչական համակարգող խորհրդի օպերատիվ շտաբի ղեկավար Գեորգի Գիբրաձեն։

«Անհրաժեշտ է ներկայացնել կորոնավիրուսի դեմ պատվաստման ամբողջական կուրսը հաստատող փաստաթուղթ կամ բացասական արդյունքով ՊՇՌ թեստ, որը պետք է արված լինի երկիր մուտք գործելուց առավելագույնը 72 ժամ առաջ»,-ասաց Գիբրաձեն։

Նրա խոսքով՝ ՊՇՌ թեստի բացասական արդյունքի մասին տեղեկանք ներկայացրած անձինք պետք է մուտք գործելուց հետո 72 ժամվա ընթացքում կրկնակի ՊՇՌ թեստ հանձնեն:

Գիբրաձեն օտարերկրյա բոլոր այցելուներին խորհուրդ է տվել նաև բժշկական ապահովագրություն ունենալ, որն անհրաժեշտության դեպքում կծածկի կորոնավիրուսի բուժման ծախսերը:

Վրաստանի ցամաքային սահմանները 2020 թ․-ի մարտից փակ էին կորոնավիրուսի համավարակի պատճառով: