Վրաստանի խորհրդարանի հայազգի երկու պատգամավոր տուգանվել է

Ծագումով հայ երկու պատգամավորները` Հենզել Մկոյանը և Սամվել Մանուկյանը տուգանվել են իրենց հայտարարագրերը լրացնելիս սխալ կամ թերի տեղեկատվություն տրամադրելու համար, գրում է Jnews-ը:

Վրաստանի Հանրային ծառայության բյուրոն ստուգել է 607 հայտարարագիր, ինչից հետո հայազգի պատգամավորները տուգանվել են: Նինոծմինդայի և Ախալքալաքի շրջաններից ընտրված մեծամասնական պատգամավոր Հենզել Մկոյանին տուգանել են երեք  կետով բացթողման, իսկ Ախալքալաքում ընտրված Սամվել Մանուկյանին՝ 4:

Դրանք են` բանկային հաշիվներ չներկայացնելը, հայտարարագրում ընտանիքի անդամներին չներառելը, ձեռնարկատիրական գործունեությունից ստացված եկամուտները սխալ ներկայացնելը և այլն:

Պարբերականը տեղեկացնում է նաև, որ ստուգված պաշտոնյաների 607 հայտարարագրից 237-ի հայտարարագիրը գնահատվել է որպես դրական, 254-ը տուգանվել է, իսկ 75-ն ստացել է նախազգուշացում: