Վրաստանում «Քովիդ-19»-ով վարակի դեպքերի աննախադեպ աճ է գրանցվել

Վրաստանում շարունակվում է պահպանվել համաճարակային բարդ իրավիճակը: Հանրապետությունում գրանցվել է կորոնավիրուսային վարակի դեպքերի աննախադեպ աճ. 2616 նոր դեպք: Դեպքերի ընդհանուր քանակը երկրում 390.945 է, հայտնում է EaDaily-ն:

Վերջին 24 ժամվա ընթացքում կորոնավիրուսից մահացել է 26 մարդ, ընդհանուր՝ 5592:

Վրաստանի վարչապետ Իրակլի Ղարիբաշվիլին, սակայն, հայտարարել է, որ կառավարությունը չի պատրաստվում սահմանափակումներ հաստատել, քանի որ բոլոր ձեռքբերումներն ապարդյուն կլինեն:

Վարչապետի խոսքով՝ մի քանի ամիս առաջ ընդունելով սահմանափակումները վերացնելու որոշումը՝ կառավարությունն առաջնորդվել է ժողովրդի շահերով, ինչը հանգեցրել է աննախադեպ տնտեսական աճի: Միաժամանակ նա շեշտել է պատվաստումների անհրաժեշտությունը: