Տիգրան Արզաքանցյանն ու Տիգրան Ուրիխանյանը միավորվել են

Այսօր կայացել է «Ալյանս» կուսակցության 9-րդ հերթական համագումարը, որի ժամանակ ընտրվել է նոր ղեկավար մարմին։

Վարչության ղեկավարի պաշտոնում առաջադրված է եղել Հակոբ Հակոբյանը, բարձրագույն խորհրդի՝ Տիգրան Արզաքանցյանը, կուսակցության նախագահի՝ Տիգրան Ուրիխանյանը։

«Ալյանս» կուսակցության բարձրագույն խորհրդի նախագահի պաշտոնում միաձայն ընտրվել է Տիգրան Արզաքանցյանը, վարչության ղեկավարի պաշտոնում՝ Հակոբ Հակոբյանը, իսկ կուսակցության նախագահի պաշտոնում վերընտրվել է Տիգրան Ուրիխանյանը:

Համագումարի ընթացքում նաև որոշվել է կանոնադրությունում փոփոխություն մտցնել «Ալյանս» առաջադիմական ցենտրիստական կուսակցությունը փոխարինել «Ալյանս» դեմոկրատական ցենտրիստական կուսակցություն անվանումով։