Տիգրան Մուկուչյանը դուրս է գրվել հիվանդանոցից

ԿԸՀ նախագահ Տիգրան Մուկուչյանը հիվանդանոցից դուրս է գրվել: Տեղեկությունը ՀԺ-ի հարցին ի պատասխան՝ հայտնեց ԿԸՀ նախագահի մամուլի քարտուղար Հերմինե Հարությունյանը:
«Տանն է, ապաքինվում է, մի քանի օր կազդուրվելուց հետո կվերադառնա աշխատանքի»,- մանրամասնեց Հարությունյանը:
Հիշեցնենք, որ ԿԸՀ նախագահը հուլիսի 14-ին շտապօգնության մեքենայով սուր ինֆարկտով հիվանդանոց էր տեղափոխվել: Հաջորդ օրը ՀԺ-ի հետ զրույցում Մուկուչյանն ասել էր, որ Նորք-Մարաշ սրտաբանական կենտրոնում իրականացրել են ստենտավորում: Ինքնազգացողությունը նորմալ է: