Փաշինյանը՝ ստորագրվելիք փաստաթղթի մասին

«Թյուըմբռնում կա սահմանազատման և սահմանագծման բանակցությունների վերաբերյալ։ Ես ինչքան հասկանում եմ հարցերից՝ տպավորություն կա, որ թուղթ է ստորագրվելու սահմանազատման և սահմանագծման արդյուքնների մասին։ Այդպիսի բան ուղղակի հնարավոր չէ։ Ստորագրվելիք պոտենցիալ փաստաթուղթը լինելու է հետևյալի մասին․որ Հայաստանը և Ադրբեջանը ձևավորում են հանձնաժողով, որը սկսում է զբաղվել սահմանազատման և սահմանագծման աշխատանքներով»,-այսօր լրագրողների ու ՀԿ–ների հետ առցանց հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը՝ հավելելով, որ այդ թղթում գրված չի լինելու, որ սահմանը անցնելու է այստեղով, այնտեղով։

«Այդ աշխատանքը կամ այս վերջին ձևակերպումը տեղի է ունեալու այդ հանձնաժողովի աշխատանքի հիման վրա։ Գիտեք,վերջերս մեր կառավարության համապատասխան ստորաբաժանումներ ինձ ուղարկել էին ԵԱՀԿ խորհրդատվական փաստաթուղթը սահմանագծման և սահմանազատման աշխատանքների վերաբերյալ, որը հետաքրքիր է՝ ստեղծել են Բելառուսի և Լիտվայի փորձագետները՝ հաշվի առնելով իրենց երկրների միջև սահմանազատման և սահմանագծման դրական փորձը։ Սահմանազատումը և սահմանագծումը այնքան բարդ գործընթաց է։ Փաստաթուղթը լինելու է այն մասին,  որ հանձնաժողով է ձևավորվում և սկսվումե ն աշխատանքները։ Ի՞նչ մեթոդաբանությամբ դա պետք է տեղի ունենա, ինչ իրավական հիմքերի վրա պետք է հենվի։ Տեսեք, շատ է խոսվում քարտեզների մասին։ Բոլորս պետք է հասկանանք, որ քարտեզը ինքը նկար է, որը առանց իր իրավական հիմնավորման որևէ արժեք չունի»,-նշեց Նիկոլ Փաշինայնը՝ եշտելով, որ միլիմետրի ճշտությամբ գիտեն Սովետական Հայաստանի դե յուրե նշանակություն ուենցող սահմանները որտեղով են անցնում։

Նա նշեց, որ դեռ պետք է համաձայնություններ ձեռք բերվեն։

«Մենք միլիմետրի ճշտությամբ տիրապետում ենք՝ Սովետական Հայստանի սահմանը որտեղով է անցել։ Հիմա կարող է հնչել հարց՝ ինչու Սովետական Հայաստանի։ Որովհետև ՀՀ-ն անկախություն հռչակել է Սովետական Հայաստանի տարածքով և միջազգային հանրությունը ճանաչել է Հայաստանի Հանրապետությունն այդ տարածքով։ Սա կարևորէ  նաև այն իմաստով, որ երբ Ադրբեջանն ասում է սահման չկա․կա՝ սահման և այն տարածքը, որտեղ ինքը ներխուժել է ՀՀ սուվերեն տարածքն է և ներխուժման փաստով ինքն ագրեսոր է։ Եվ այս ագրեսիայի փաստը պետք է միջազգային գնահատականի արժանանա։ Սա լինելու է մեր արտաքի քաղաքական կարևոր ուղղություններից մեկը և այս հարցով մեզ որևէ ֆորմատով չեք սահմանափակելու»,-նկատեց ՆԻկոլ Փաշինյանը։