Քանոնահարուհի Մարիաննա Գևորգյանը World Folk Vision-ի կիսաեզրափակչում է․հաղթանակի համար ձեր ձայնն է պետք

Աջափնյակ վարչական շրջանի բնակիչ, քանոնահարուհի, միջազգային բազմաթիվ մրցույթների դափնեկիր Մարիաննա Գևորգյանը մասնակցում է հեղինակավոր «WORLD FOLK VISION» մրցույթ-փառատոնին։ Մրցույթին մասնակցում է 115 երկրի 3950 մասնակցից։ Հայաստանյան միակ ներկայացուցիչ Մարիաննա Գևորգյանը պատվով ներկայացնելով ազգային նվագարան քանոնը և մեր ազգային երաժշտությունը՝ անցել է կիսաեզրափակիչ փուլ։
Համավարկով պայմանավորված՝ այս տարի մրցույթն անցկացվում է առցանց ձևաչափով, հաղթողը նույնպես որոշվելու է առցանց քվեարկությամբ։
Մարիաննա Գևորգյանն ակնկալում է բոլորիս աջակցությունը․
«Ես իմ տաղանդով հասել եմ կիսաեզրափակիչ փուլ, այժմ ակնկալում եմ համազգային օնլայն քվեարկություն՝ ձեր աջակցությամբ, որպեսզի Հայաստանի դրոշը ծածանվի եզրափակիչ փուլում»։
Քվեարկությունը մեկնարկել է հունիսի 1-ից և կտեւի մինչեւ հունիսի 15-ը։
Ի դեպ, քվեարկությունն անվճար է, որին մասնակցելու համար անհրաժեշտ է մուտք գործել «WORLD FOLK VISION» կայք, գրանցվել այստեղ՝ այնուհետեւ Հայաստանի օգտին քվեարկել 10 բալ։