Քաջարանի քաղաքապետին կալանավորելու միջնորդություն է ներկայացվել

Քաջարանի քաղաքապետ Մանվել Փարամազյանին մեղադրանք է առաջադրվել: Նրան կալանավորելու միջնորդություն է ներկայացվել դատարան:

Փարամազյանը մեղադրվում է ՀՀ քրեական օրենսգրքի 38-178-րդ հոդվածի 3-րդ մասով (Խարդախությանը օժանդակելը կամ կազմակերպելը), ՀՀՔՕ 311-րդ հոդվածի 4-րդ մասով (Կաշառք ստանալը) և ՀՀ ՔՕ 154.2-րդ հոդվածի 2-րդ մասով (Ընտրողներին կաշառք տալը, կաշառք ստանալը, ընտրությունների ժամանակ բարեգործության արգելքի խախտումը կամ ընտրողի ազատ կամքի իրականացմանը խոչընդոտելը): 

Առաջադրված մեղադրանքում Փարամազյանն իրեն մեղավոր չի ճանաչում: Այս մասին ֆեյսբուքյան իր էջում հայտնել է Քաջարանի քաղաքապետի պաշտպան Լուսինե Սահակյանը: