Քոչարյանի գործով դատավորն արձակուրդ կմեկնի

Կալանքի տակ գտնվող ՀՀ երկրորդ նախագահ Ռոբերտ Քոչարյանի եւ մյուսների գործով դատավոր Աննա Դանիբեկյանը դեկտեմբերի 10-31-ն արձակուրդ կմեկնի: Այդ պատճառով, այս գործով դատական նիստերը կշարունակվեն արդեն 2020 թվականի հունվարից: Այս մասին այսօր հայտնի դարձավ դատական նիստի ընթացքում: Ռոբերտ Քոչարյանի պաշտպանները խնդրեցին, որ առաջիկա օրերին ևս մեկ նիստ նշանակվի, որպեսզի իրենք կարողանան Ռոբերտ Քոչարյանի խափանման միջոցն անձնական երաշխավորությամբ փոխելու միջնորդություն ներկայացնել: Դատավորն ասաց, որ ծանրաբեռնվածության պատճառով հնարավոր չի լինելու: Քանի որ երաշխավորին դատարան հրավիրելը եւ երաշխավորական գումարը վճարելն այսօր հնարավոր չէր՝ ժամանակի սղության պատճառով, պաշտպանական կողմն այսօր չներկայացրեց միջնորդությունը: