Ֆրանսիայի նախկին նախագահ Սարկոզին դատապարտվել է 1 տարվա ազատազրկման

Փարիզի ուղղիչ դատարանը Ֆրանսիայի նախկին նախագահ Նիկոլա Սարկոզիին մեղավոր է ճանաչել 2012 թվականին քարոզարշավի անօրինական ֆինանսավորման համար: Այդ մասին հայտնում է BFM հեռուստաալիքը: Նա դատապարտվել է 1 տարվա ազատազրկման: Դատարանի որոշմամբ՝ Սարկոզին պատիժը կկրի տնային կալանքի պայմաններում՝ էլեկտրոնային ապարանջանի ուղեկցությամբ:

Դատավճիռը կայացվել է Սարկոզիի բացակայությամբ. նա չէր ներկայացել եզրափակիչ նիստին:

Դատարանը համարում է, որ Սարկոզին շարունակել է իր նախընտրական հանրահավաքները՝ չնայած ծախսերի՝ օրենքով սահմանված սահմանաչափի գերազանցմանը: Քարոզարշավի վրա ծախսվել է ավելի քան 42 միլիոն եվրո՝ օրինական 22 միլիոն եվրոյի փոխարեն: