Բրիտանացի երգչուհի Ադելը նշել է, որ իր նախկին տանը ապրում են ուրվականներ, ինչից հետո սեփականտերն այն չի կարողանում վաճառել։ Այս մասին գրում է The Guardian-ը։ Դեռևա 2012 թվականին Ադելն ուղիղ կես տարով վարձակալել է Lock House առանձնատունը և նրան կից երեք հեկտար հողատարածքը։ Պատմական այս տունը, որը կառուցվել է XX դարի սկզբին և հետագայում վերածվել է կանանց վանքի, երգչուհին անվանել է «վախեցնող» CBS հեռուստաալիքի թիմի հետ զրույցի ընթացքում։ Իսկ մի քանի բրիտանական թերթեր գրել են, որ Ադելը բացահայտ դժգոհել է առանձնատանը բնակվող ուրվականներից։ Այս ընթացքում Lock House-ը ձեռք է բերել ուրվականներով բնակեցված տան համբավ։ Ներկայիս սեփականատերը գնել է առանձնատունը 2003 թվականին և վերածել էլիտար անշարժ գույքի։ Նա այն հանել է վաճառքի դեռևս Ադելի վարձակալությունից առաջ, սակայն նրա հեռանալուց հետո անցել է արդեն 13 տարի, բայց նոր գնորդ չի գտնվել։ Չնայած անշարժ գույքի գործակալների ջանքերին` պոտենցիալ գնորդները հրաժարվում են այն դիտարկել որպես ապագա բնակավայր՝ ուրվականների պատճառով։ Ավելի վաղ հայտնի էր դարձել, որ ԱՄՆ Ռոդ Այլենդ նահանգում հայտնի «ուրվականներով» տանն աշխատող աշխատակցին ազատել էին աշխատանքից՝ ուրվականի բողոքի պատճառով։ Ըստ լուրերի, ուրվականն ասել էր տանտիրոջը, որ այդ տղամարդը գողացել է մոտ երեք հազար դոլար։