Ադրբեջանի նախկին արտգործնախարար Էլմար Մամեդյարովը հայտարարել է, որ Ադրբեջանը Ռուսաստանից պահանջում է «երկու տեսակի ներողություն՝ ժողովրդից և ադրբեջանական ինքնաթիռի խոցման հետևանքով զոհվածների ու վիրավորների ընտանիքներից»։
«Տեսնենք, թե Կրեմլը որ ուղին կընտրի։ Ես հասկանում եմ, որ նախագահ Վլադիմիր Պուտինը սպասում է հետաքննության ավարտին և դատարանի որոշմանը։ Այն պետք է ավարտվի մինչև տարեվերջ։ Մենք կսպասենք արդյունքներին», - Globalinfo-ին տված զրույցում հայտարարել է Մամեդյարովը։
Նրա կարծիքով՝ Ռուսաստանի և Ադրբեջանի միջև հարաբերությունները կկարգավորվեն։
Միևնույն ժամանակ, Մամեդյարովը հայտարարել է, որ «Բաքուն արդեն մտել է Մոսկվայի հետ նոր փուլ, որի պատճառը ինքնաթիռին առնչվող միջադեպն էր»։
«Դժվար է ճշգրիտ ասել, թե որքան ժամանակ կշարունակվեն Ռուսաստանում ադրբեջանցիների դեմ սադրանքները», - հավելել է նա։