Այս անպարկեշտ և էժան ներկայացումը դատապարտելի է։ Ֆեյսբուքի իր էջում գրել է իրանցի քաղաքական վերլուծաբան Փույա Հոսեյնին՝ անդրադառնալով Ամանորին Հանրապետության Հրապարակում երգող իրանցիներին։
Նա, մասնավորապես գրել է․ «Դու վերցնում ես այս գումարը և տալիս մի քանի իրանական ազեռիներ, որպեսզի նրանք գնան Երևանի կենտրոն, հարբեն, պարեն և «Ղարաբաղ» երգը թուրքերեն երգեն այնպես, որ գրավեն ուշադրություն, մարդիկ նկարեն նրանց և տարածեն սոցիալական ցանցերում։ Արդյունքում վիրավորվում են հայ ժողովրդի զգացմունքները, և երբ պարզվի, որ նրանք Իրանի քաղաքացիներ են և եկել են Իրանից, հակաիրանական տրամադրությունները հայ հասարակությունում ուժեղանան։
(Հավանական սցենար)
Ես խստորեն դատապարտում եմ ցանկացած փորձ և դավադրություն, որը վնաս է հասցնում երկու հարևան և բարեկամ պետությունների՝ Իրանի և Հայաստանի, և երկու եղբայրական ժողովուրդների հարաբերություններին։ Ես կոչ եմ անում Իրանի և Հայաստանի անվտանգության մարմիններին համատեղ գործակցել և լուրջ քայլեր ձեռնարկել նման դավադրությունների դեմ։
Ակնհայտ է, որ սա կեղտոտ, ծրագրված շոու էր՝ կազմակերպված Բաքվի ռեժիմի քարոզչամեքենայի կողմից։
Բոլորի պարտքն է չտրվել Բաքվի ռեժիմի մանիպուլյացիաներին։
Կեցցե՛ Հայաստանը,
Կեցցե՛ Իրանն,
Կեցցե Արցախի հերոս ժողովուրդը,
Կեցցեն մեր երկու եղբայրական ժողովուրդները։