Նոր հետազոտությունները ցույց են տալիս, որ ամբողջ աշխարհում լճերում թթվածնի մակարդակի տագնապալի նվազում է նկատվում: Նման միտում է նկատվում գետերում և օվկիանոսներում, սակայն որոշ լճեր թթվածինը կորցնում են ինը անգամ ավելի արագ, քան օվկիանոսը: Ուսումնասիրությամբ պարզվել է, թե ինչպե՞ս են տարբեր մեխանիզմներ պատասխանատու լճերում թթվածնի կորստի համար, որը 1980-ից 2017 թվականներին կազմել է 5,5 տոկոս մակերևութային շերտերում և 18,6 տոկոս՝ խորը շերտերում: Չինաստանի Գիտությունների ակադեմիայի աշխարհագրագետ Յիբո Չժանը և նրա գործընկերներն օգտագործել են արբանյակային պատկերներ, ինչպես նաև աշխարհագրական և կլիմայական տվյալներ՝ վերականգնելու այն իրադարձությունները, որոնք հանգեցրել են թթվածնի մակարդակի նվազմանը: Նրանց կողմից վերլուծված ավելի քան 15535 լճերում թթվածնի մակարդակն ավելի ցածր է եղել, քան նախորդ տարիներին։ 2003 թվականից մինչև 2023 թվականը այս լճերի 85 տոկոսում, նկատվել է նաև տարեկան շոգ օրերի թվի կայուն աճ: Ավելի բարձր ջերմաստիճանները նվազեցնում են թթվածնի՝ ջրում լուծվելու ունակությունը:
Լևոն Ազիզյան, «Հիդրոօդերևութաբանության և մոնիթորինգի կենտրոն»-ի տնօրեն