Երկրի վրա երբևէ հայտնաբերված ամենամեծ մարսյան երկնաքարը՝ NWA 16788-ը, վաճառվել է Sotheby’s աճուրդում 5.296 միլիոն դոլարով։ Այն 24.67 կգ է։

Մարսի այս բեկորը դարձել է աճուրդների պատմության մեջ ամենաթանկ երկնաքարը։

Երկնային մարմնի զանգվածը 24.67 կգ է, չափսերը՝ մոտ 375 × 279 × 152 մմ։ Ինչպես նշում է «Sotheby's»-ը, NWA 16788-ը գրեթե 70%-ով մեծ է, քան մեր մոլորակի վրա հայտնաբերված մարսյան մյուս ամենամեծ երկնաքարը։

Լոտի նկարագրության համաձայն՝ երկնաքարը հազվագյուտ օլիվին-միկրոգաբրո շերգոտիտ է՝ Մարսի մագմայի դանդաղ սառեցման արդյունքում առաջացած ապար։ Այն հիմնականում կազմված է պիրոքսենից, մասկելինիտից և օլիվինից, իսկ կառուցվածքն առանձնանում է խոշոր հատիկավորությամբ։

Գտածոյի նախնական արժեքը գնահատվել է երկուսից չորս մլն դոլար էր։ Երկնաքարի ընկնելու ճշգրիտ ամսաթիվը հայտնի չէ, բայց, աճուրդի տան տվյալներով, այն մեր մոլորակ է հասել Մարսի և աստերոիդի միջև հզոր բախման արդյունքում։ NWA 16788-ը հայտնաբերվել է 2023 թվականի նոյեմբերի 16-ին Նիգերի հեռավոր Ագադեսի շրջանում։ Համեմատության համար նշենք, որ գրանցված մոտ 77,000 երկնաքարերից միայն 400-ն են մարսյան ծագում ունեցողայն 400-ն են մարսյան ծագում ունեցող։