ԱՄՆ-ում աճել են կենդանի բուժառուների օրգանների հեռացման դեպքերը, - գրում է The New York Times-ը։ Վերջին տարիներին ամերիկյան հիվանդանոցներում աճել են այն դեպքերը, երբ մահից հետո օրգաններ նվիրաբերելուն համաձայնված բուժառուները բախվել են օրգանների հեռացման վաղաժամ կամ անհաջող փորձերի։ ԱՄՆ-ում դոնորական օրգանների մեծ մասը ստացվում է ուղեղի մահվանից հետո, սակայն սրտանոթային հիվանդությունների հետևանքով մահվան դեպքում դոնորությունը տարբերվում է այդ մոդելից, քանի որ այդ դեպքում բուժառուների մոտ կարող է դիտվել որոշակի ուղեղային ակտիվություն, իսկ ապաքինման անհնարինության կանխատեսումն արվում է բժիշկների կողմից։ Օրգանների գնման կազմակերպությունների համակարգողներն, ըստ հոդվածի, համոզել են հիվանդանոցների բժիշկներին մորֆին, պրոպոֆոլ և այլ դեղամիջոցներ ներարկել՝ հնարավոր դոնորի մահվան գործընթացը արագացնելու նպատակով։