Ֆլորիդայում մեղադրանք է առաջադրվել մի տղամարդու, որը վրեժխնդիր լինելու նպատակով դանակով հարձակվել էր շնաձկան վրա։ Դեպքը տեղի է ունեցել մայիսի 22-ին։
մեղադրյալը խոստովանել է, որ վրիժառության զգացումից ելնելով դանակով բազմաթիվ վերքեր է հասցրել շնաձկանը: 26-ամյա նավավար Զեյն Գարեթն այդ քայլին է դիմել այն բանից հետո, երբ գիշատիչը փախցրել է նրա որսի ավարը: Զայրացած երիտասարդը որոշել է «դաս տալ» շնաձկանը՝ հարվածներ հասցնելով գլխին։
Սակայն, Ֆլորիդայի ձկնային պաշարների և վայրի բնության պահպանության հանձնաժողովը հաշվի չի առել այդ հանգամանքը և Գարեթին ներկայացրել է կենդանիների նկատմամբ դաժանություն դրսևորելու մեղադրանք: Հընթացս պարզվել է, որ մեղադրյալը նաև նավ վարելու արտոնագիր չի ունեցել։