Իրանի գերագույն հոգևոր առաջնորդ այաթոլլա Ալի Խամենեին իր ժողովրդին ուղղված ելույթում հայտարարել է, որ իր երկիրը հաղթանակ է տարել ԱՄՆ-ի դեմ հակամարտության մեջ: Նրա խոսքերով՝ իսլամական պետությունը հաղթող է դուրս եկել ամերիկյան ռեժիմի դեմ ընդհանուր պայքարում:
«Իմ երկրորդ շնորհավորանքը վերաբերում է մեր սիրելի Իրանի հաղթանակին ամերիկյան ռեժիմի նկատմամբ: Ամերիկյան ռեժիմը ուղղակիորեն միջամտեց պատերազմին, քանի որ զգաց, որ եթե չմիջամտի, սիոնիստական ռեժիմը (նկատի ունի Իսրայելը) լիովին կոչնչացվի»,-ասել է նա։
Իրանի առաջնորդը ընդգծել է, որ ԱՄՆ-ի՝ իրադարձությունների ընթացքի վրա ազդելու փորձերը անհաջող են եղել և ցանկալի արդյունք չեն տվել: Նա նշել է, որ ամերիկյան ռեժիմը այս հակամարտության մեջ ոչ մի էական հաջողություն չի գրանցել: