-Այն, ինչ այսօր տեղի ունեցավ Թբիլիսիում խաղի ավարտից հետո, չի ներկայացնում վրաց ազգի մոտեցումը։ Ինչպես մարզադաշտում, այնպես էլ սոցիալական ցանցերում՝ բոլոր վրացիները քննադատում են մի խումբ երիտասարդ վրացիների պահվածքը։ Այս մասին ֆեյսբուքի իր էջում գրել է Վրաստանում բնակվող միջազգային հարցերով փորձագետ Գիորգի Թումասյանը՝ հավելելով․
-Սա սադրանք էր, որը առնվազն թույլ տվեց (եթե ոչ ավելին) Վրաստանի ռուսական իշխանությունը։ Ոստիկանական բռնապետությունում որևէ մեկը չի հավատա, թե նրանք չեն կարողացել կասեցնել այսպիսի իրավիճակը։ Չարեցին։ Սա ևս մեկ անգամ ապացուցում է, որ վրացական դրոշի հետևում թաքնված այս ռուսական գործակալներին, որոնք իբր Վրաստանի իշխանություն են, վստահել չի կարելի։ Եվ մենք՝ Վրաստանի քաղաքացիներս, արդեն երեք ամիս է՝ ամեն օր պայքարում ենք այս ռուսական ռեժիմի դեմ։ Իսկ Հայաստանի և հայերի հանդեպ նման դրական մթնոլորտ Վրաստանում որը հիմա կա ես երբեք չեմ տեսել։