Այսօր` մայիսի 13-ին, ՀՀ ազգային հերոս, վաստակաշատ բժիշկ, սրտային վիրաբույժ, սրտային վիրաբույժների մի ամբողջ սերունդ կրթած Հրայր Հովակիմյանի ծննդյան օրն է։ Թվում է` հնարավոր չէ, որ մարդու մեջ համադրված լինեն մեծ գործերն ու անսահման համեստությունը, մարդկային կյանքերի փրկության գործն ու դրա մասին լռելը, հայրենասիրությունն ու դա նվիրված աշխատանքով արտահայտելը, սակայն կան անհատներ, որոնք առանձնանում են իրենց մարդկային բարձր արժեքներով ու միևնույն ժամանակ անսահման համեստությամբ: Այդպիսին է Հրայր Հովակիմյանը, մարդ, ով մեր երկրի համար ամենածանր տարիներին՝ 1990-ականերին, գալով Հայաստան, ձեռնամուխ եղավ մի մեծ գործի՝ հիմք դրեց սրտային վիրաբուժությանը և մինչ օրս իր ստեղծած թիմի հետ միասին հայրենի տուն հանդիսացող «Նորք-Մարաշ» բժշկական կենտրոնում շարունակում է փրկել հազարավոր մարդկանց կյանքեր:
Սիրելի՛ Հրայր Սահակիչ, սրտանց շնորհավորում ենք Ձեզ ծննդյան օրվա առթիվ: Մաղթում ենք ամենայն բարիք, ամուր առողջություն և երկար տարիների կյանք: Շնորհակալ ենք Ձեզ նվիրումի և հայրենանվեր գործունեության համար: Ուրախ ենք, որ մեզ հետ եք, սիրելի՛ ուսուցիչ, հպարտ ենք և շնորհակալ։
Հարգանքով՝«Նորք-Մարաշ» բժշկական կենտրոնի տնօրեն Միքայել Ադամյան և ՆՄԲԿ թիմ