Չորեքշաբթի, մայիսի 7-ին, Վատիկանում սկսվում է Հռոմի Պապի ընտրությունը: Քվեարկության համար մեկուսացված կարդինալների համար Սիքստինյան կապելլայի տանիքում տեղադրվել է ծխան, իսկ ներսում՝ քվեաթերթիկներն այրելու վառարան: Սպիտակ ծուխը կնշանակի, որ ընտրությունները կայացել են: Սակայն առայժմ ոչ ոք չի կարող հարյուր տոկոսով վստահությամբ ասել հաղթողի անունը:
Այս կոնկլավն անվանում են անկանխատեսելի, քանի որ, ինչպես աշխարհի մնացած մասում, կաթոլիկ հոգևորականության մեջ սրվել է պայքարը ավանդույթների կոշտ կողմնակիցների ու առաջադիմականների միջև: Սակայն հիերարխների զգալի մասը համաձայն է, որ կաթոլիկներին պետք է Պապ, ով կկարողանա շարունակել Ֆրանցիսկոսի վերափոխման գիծը՝ միաժամանակ պահպանելով Եկեղեցու ավանդական դերը:
Ընտրողների մեծամասնությունը նույնիսկ ծանոթ չեն միմյանց հետ, ինչը ավելացնում է ինտրիգը։
Պատահել է, որ գահը, «որպեսզի չհասնի ո՛չ մերին, ո՛չ ձերին», հանձնվել է բացահայտ թույլ թեկնածուի։ Օրինակ՝ 1978 թվականին 65-ամյա Հովհաննես Պողոս I-ին (Ալբինո Լուչանիին), ով կառավարել է ընդամենը 33 օր և մահացած գտնվել իր ննջասենյակում։
Պաշտոնական տարբերակը՝ սրտի կաթված։ Սակայն այն հանգամանքը, որ ընտրություններից հետո այս Պապի ընդունելության ժամանակ ռուս ուղղափառ եկեղեցու պատվիրակության ղեկավար՝ Լենինգրադի և Նովգորոդի մետրոպոլիտ Նիկոդիմը նույնպես մահացել է սրտի կաթվածից, դավադրությունների տեսաբաններին ստիպում է խոսել թունավորման մասին։
Հայտնի են Հռոմի Պապի պաշտոնի համար առաջադրված թեկնածուների անունները
- Պիետրո Պարոլին (70 տարեկան, Իտալիա) – Վատիկանի պետքարտուղար։
- Արժանիքներ. Մոտ է եղել նախկին Պապին, ունի վարչական մեծ փորձ։ 2018 թվականին Վատիկանի և Չինաստանի միջև կնքել է համաձայնագիր եպիսկոպոսների նշանակման վերաբերյալ՝ ամրապնդելով կաթոլիկների դիրքերը Ասիայում։
- Թերություններ. Չունի խարիզմա, համբավ ունի որպես «եկեղեցու մոխրագույն կարդինալ»։
- Պիերբատիստա Պիցցաբալլա (60 տարեկան, Իտալիա) – Երուսաղեմի պատրիարք։
- Ամենաերիտասարդ թեկնածուն (2023 թվականին ստացել է կարդինալի կոչում)։
- 2023 թվականի հոկտեմբերի 7-ին, երբ ահաբեկիչները հարձակվեցին Իսրայելի վրա, առաջարկեց իրեն որպես պատանդ՝ փոխարենը ազատելով գերեվարված երեխաներին։
- Լուիս Անտոնիո Տագլե (67 տարեկան, Ֆիլիպիններ) – «Ասիական Ֆրանցիսկոս»։
- Քննադատում է կաթոլիկ եկեղեցու կոշտ դիրքորոշումը միասեռական ամուսնությունների և ամուսնալուծությունների հարցում։ Սակայն կտրականապես դեմ է աբորտներին։ 2013 թվականին արդեն եղել է Հռոմի Պապի թեկնածու։
- Պետեր Էրդյո (72 տարեկան, Հունգարիա) – Բուդապեշտի արքեպիսկոպոս։
- Դեմ է «ներառականությանը»՝ չթողնելով, որ ամուսնալուծված կաթոլիկները մասնակցեն հաղորդության։
- 2015 թվականին քննադատել է Ֆրանցիսկոսին՝ փախստականներին Եվրոպա ընդունելու կոչի համար։
- Պիտեր Թարկսոն (76 տարեկան, Գանա)։
- Պաշտպանում է ավանդական ընտանիքի արժեքները, քննադատում է «գենդերային գաղափարախոսությունը»։ Անհաշտ է հոգևորականների ամուրիության (ցելիբատ) վերացման քննարկումների նկատմամբ։
- Ռոբեր Սարա (79 տարեկան, Գվինեա)։ Դեմ է իսլամական ֆունդամենտալիզմին և «գենդերային գաղափարախոսություններին»։ Ամուրիությունը համարում է հավատի հիմնասյուներից մեկը։
- Մատտեո Ձուպպի (69 տարեկան, Իտալիա) – Բոլոնիայի արքեպիսկոպոս։
- Ռայնհարդ Մարքս (71 տարեկան, Գերմանիա)։ Ունի պրո-եվրոպական դիրքորոշում, քննադատում է Ռուսաստանի քաղաքականությունը։ Գրել է «Կապիտալ. մարդու մասին խնդրանք» գիրքը՝ հղում անելով Կարլ Մարքսին։ Քննադատում է կապիտալիզմը քրիստոնեական սոցիալական բարոյագիտության տեսանկյունից։
- Ուկրաինացի կարդինալ՝ սկանդալային թեկնածու
- Վերջերս կարդինալ է ձեռնադրվել Միկոլա Բիչոկը (25 տարեկան, Տերնոպոլից)։
- Նախկինում եղել է Ուկրաինայի կաթոլիկ եկեղեցու քահանա, ապա փորձել է միսսիոներական գործունեություն ծավալել Ռուսաստանում (անհաջողությամբ)։
- Ավստրալիայում տաճարային արարողությունների ժամանակ նա ուկրաինական դրոշ է բարձրացրել, որի վրա նշված են եղել 2014-2015 թվականների ռազմական գործողությունների վայրերի անվանումները։