Կենտրոնական բանկը վարորդներին կոչ է անում ԱՊՊԱ պայմանագրեր կնքելիս օգտվել միայն ԿԲ կողմից լիազորված ֆինանսական կազմակերպությունների եւ հաշվառված գործակալների ծառայություններից։Գլխավոր դրամատունը ձեռք բերված տեղեկությունների եւ քաղաքացիների կողմից ստացվող ահազանգերի արդյունքում պարզել է, որ վերջին շրջանում ավելացել են դեպքերը, երբ անհայտ անձինքն ներկայանում են որպես ապահովագրական ընկերությունների ներկայացուցիչներ եւ ապահովագրական գործակալներ ու հեռավար տարբերակով առաջարկում կնքել ԱՊՊԱ պայմանագրեր։ «Արդյունքում՝ քաղաքացիներից կորզվում են գումարներ՝ առանց ապահովագրական պայմանագրեր կնքելու։ Որոշ դեպքերում տրամադրում են ԱՊՊԱ կեղծ պայմանագրեր կամ խոստացվածից ավելի կարճ ժամկետով պայմանագրեր»։Անվտանգ կերպով առցանց ապահովագրական պայմանագրեր հնարավոր է կնքել ՀՀ ԿԲ կողմից լիցենզավորված կազմակերպությունների պաշտոնական կայքէջերի, բանկային հավելվածների միջոցով, ինչպես նաեւ aswa.am կայքէջից։