Ադրբեջանը բռնի ու ստիպողական բնակեցնում է մարդկանց Արցախի Հանրապետությունից բռնազավթված տարածքներում՝ չտալով աշխատանքի որևէ հնարավորություն։
Մարդիկ անգամ անասնապահությամբ զբաղվելու իրավունք չունեն զուտ այն պատճառով, որպեսզի արոտավայրերը հատկացվեն միայն Էրդողանի անասնաբուծական ֆերմաներին։
Անասնապահության մենաշնորհը ամբողջ մերձարաքսյան գոտում տրվել է Էրդողանին։ Տելեգրամյան caspian_frontiers ալիքի փոխանցմամբ` Կովսական (Զանգելան) տեղափոխված ադրբեջանցիները հայտնում են, որ աշխատատեղեր չկան, անասնապահությամբ զբաղվելու հնարավորություն չկա։ Իրենց հատկացված փոքր տնամերձերում անգամ հավ պահելն է դժվար։ Ավելին, նշված տարածքներում անասնապահությամբ զբաղվելն արգելվել է օրենքով։