Ուսումնասիրությունը ցույց է տվել, որ օրորոցային երգերը զարգացնում են երեխայի էմոցիոնալ ինտելեկտը: «Երեխայի զարգացում» ամսագրում հրատարակված նոր միջազգային ուսումնասիրությունը հաստատել է, որ ծնողի երգը հզոր գործիք է նորածինների երջանկության և հանգստության համար, իսկ երեխայի զարգացման վրա դրական ազդեցությունը պահպանվում է երկար ժամանակ:
ԱՄՆ-ի Յեյլի, Նոր Զելանդիայի Օքլենդի համալսարանների և աշխարհի այլ առաջատար ինստիտուտների գիտնականներն անցկացրել են եզակի փորձ: 110 ընտանիքներ՝ մոտ 4 ամսական երեխաներով (ԱՄՆ-ից և Նոր Զելանդիայից), մասնակցել են 10-շաբաթյա ծրագրին:
Ծնողներին և երեխաներին բաժանել են երկու խմբի: «Երաժշտական» խմբի ծնողներին խնդրել են ավելի հաճախ երգել երեխաների համար, և օրվա ընթացքում մի քանի անգամ ծնողերը լուսանկարել ու նկարագրել են իրենց և երեխայի տրամադրությունը: Պարզվել է, որ ավելի հաճախ երգող ծնողների երեխաները նկատելիորեն ավելի ուրախ են եղել։
«Ձայնը կատարյալ լինելու կարիք չունի. կարևոր է սիրով լցված ինտոնացիան և մտերմությունը»,-ասել է դոկտոր Յուն Չոն՝ Յեյլի համալսարանից։
Ե՞րբ է ավելի լավ երգել երեխային:
- Ծնվելուց հետո՝ փաթաթելու, կերակրելու կամ զբոսնելու ժամանակ:
- Փոխարինեք սովորական «շշ-շշ»-ը օրորոցայինով, և կտեսնեք արդյունքը: Գիտնականները խոստանում են, որ մեթոդը կաշխատի: