ՀՀ ԿԳՄՍ նախարար Ժաննա Անդրեասյանը լրագրողների հետ հանդիպման ժամանակ անդրադարձել է դեռևս 2023 թ․ սեպտեմբերի 23-ին Երևանում նախատեսված ամերիկացի հայտնի ռեփեր Սնուփ Դոգի չկայացած համերգին՝ հայտնելով, որ նախարարությունը կազմակերպչից հետ է պահանջել։

«Երբ հնչել է այս մասին հարց, ամեն ագամ փոխանցել եմ այն տեղեկությունը, ինչ-որ այդ պահին ունեցել ենք կազմակերպող ընկերության կողմից։ Գիտեմ, որ նրանք ամբողջ տարի բանակցել են, որպեսզի համերգը տեղի ունենա, և տարբեր ժամանակաշրջաններում ունեցել են որոշակի նախնական պայմանավորվածություններ, որոնք ինչ-ինչ պատճառներով տեղի չեն ունեցել և սա նշանակում է, որ պետք է գործեն պայմանագրի դրույթները։ Այսինքն, նախատեսված ժամանակահատվածում քանի որ համերգը չի կայացել, ապա մենք արդեն գրությամբ դիմել ենք կազմակերպությանը, որպեսզի ամբողջ գումարը վերադարձվի պետական բյուջե՝ ինչպես և նախատեսված էր»,-նշեց նախարարը։

Հիշեցնենք, որ դեռևս 2023 թվականի ամռանը տեղեկություն տրածվեց, թե Հայաստան է գալիս համաշխարհային մեծ աստղերից մեկը։ Այնուհետև պարզ դարձավ, որ խոսքը Սնուփ Դոգի մասին է, և համերգը կկայանա 2023թ սեպտեմբերին, ապա համերգը հետաձգվեց։ Պետբյուջեից համերգի համար վճարվել է շուրջ 2,3 մլրդ դրամ։