Դոկտոր Ջոաննա Բադվիգը եվրոպական առաջատար կենսաքիմիկոսներից էր, ով զբաղվում էր քաղցկեղային հիվանդությունների հետազոտությամբ: Նա ծնվել է 1908 թ. և վախճանվել 95 տարեկան հասակում: Օնկոլոգիական հիվանդությունների բուժման ասպարեզում կատարած ականավոր հայտնագործությունների համար նրա թեկնածությունը յոթ անգամ առաջադրվել է Նոբելյան մրցանակի:
Դեռևս 1959 թվականին կարդացած դասախոսության ժամանակ դոկտոր Բադվիգն ասել է. «Շնչառական համակարգում թթվածնի յուրացումն ապահովող ֆերմենտները չեն կարող բնականոն գործել առանց ճարպաթթուների: Մարդն սկսում է շնչահեղձ լինել անգամ թթվածնով հարուստ միջավայրում: Ճարպային թթուների պակասը խաթարում է օրգանիզմի կենսագործունեությունը»:
Բադվիգը նշել է, որ սննդի մեջ ճարպազերծված և վերամշակված յուղերի (ճարպերի) կիրառումը հանգեցնում է լուրջ հիվանդությունների: Եվ, քանի որ հիմա ամբողջ սնունդն արհեստականորեն ճարպազերծված է, այն ուղիղ վտանգ է ներկայացնում և՛ մեծերի, և՛ փոքրերի համար: Դոկտոր Բադվիգը տարիներ շարունակ զբաղվել է քաղցկեղով հիվանդների արյան ուսումնասիրությամբ, որի արդյունքում հայտնաբերել է մի օրինաչափություն, ըստ որի՝ հիվանդների արյան բաղադրության մեջ միշտ ցածր է ֆոսֆոլիպիդների և լիպոպրոտեինների քանակությունը: Ավելին, հեմոգլոբինի ցածր քանակության հետ մեկտեղ, նա հայտնաբերել է անսովոր դեղնականաչավուն գոյացություններ: Եվս մեկ հայտնություն դարձավ այն բացահայտումը, որ առողջ մարդկանց մոտ Օմեգա 3 դասի ճարպաթթուների պարունակությունն անհամեմատ ավելի մեծ է հիվանդների նկատմամբ։
Հետազոտությունների տվյալների հիման վրա նա սկսում է փորձարարական եղանակով ընտրել հիվանդությունների բուժման համար անհրաժեշտ սննդակարգը և, արդյունքում, կանգ է առնում կաթնաշոռի և օրգանական կտավատի յուղի խառնուրդի վրա: Կտավատի յուղը, առավել քան մյուսները, պարունակում է Օմեգա 3 ճարպաթթուներ, որոնք հեշտ են յուրացվում և չեն առաջացնում ալերգիաներ, իսկ կաթնաշոռը պարունակում է մեծ քանակության սուլֆապրոտեիններ:
Դոկտոր Բադվիգը բացահայտեց այն իրողությունը, որ կտավատի յուղի առանձին ընդունումը, ճիշտ է, անվտանգ է, սակայն՝ անօգուտ, և միայն կաթնաշոռի մասնակցությունն է կտավատի յուղին դարձնում ջրալուծելի, այսինքն՝ օրգանիզմի համար հեշտ յուրացվելի: Բադվիգն ինքն է զարմանում, երբ իր կազմած սննդակարգը ընդամենը երեք ամիս կիրառելուց հետո նկատում է քաղցկեղով հիվանդների վիճակի լավացում: Ուռուցքները փոքրանում են, վերադառնում են հիվանդների ուժերը, իսկ արյան միջից այլևս բացակայում են դեղնականաչավուն մասնիկները, ֆոսֆոլիպիդների և լիպոպրոտեինների, նաև հեմոգլոբինի մակարդակները նորմալանում են: Արդյունքում հաջողվում է փրկել անգամ այն հիվանդներին, որոնցից բժիշկներն այլևս հրաժարվել էին:
Բազմաթիվ փորձարկումներից հետո Բադվիգը կարծում է օպտիմալ բաղադրությունը. 2 ճաշի գդալ օրգանական (սառը ճզմվածքի) կտավատի յուղը լավ խառնել 100-150 գ կաթնաշոռի հետ և ընդունել օրը մեկ անգամ: 1990 թվականին ուռուցքաբան դոկտոր Ռոեմը հայտարարել է, որ դա հակաքաղցկեղային ամենահաջողված սննդակարգն է աշխարհում: «Բադվիգի պրոտոկոլի» կիրառումը սննդակարգում ապացուցել է իր թերապևտիկ արժեքավորությունը քաղցկեղի, սրտամկանի ինֆարկտի, աթերոսկլերոզի, լյարդի ֆունկցիայի խանգարումների կանխարգելման և բուժման, ինչպես նաև խոցային հիվանդությունների, արթրիտների, մաշկային էկզեմաների, տարիքային դեգրադացիոն և աուտոիմուն հիվանդությունների բուժման գործում: Բադվիգն իր հետազոտություններով բացահայտել է «վատ» ճարպերի կործանիչ ազդեցությունը մարդու առողջության վրա, մասնավորապես, լայնորեն կիրառվող հիդրոգենային մեթոդով ստացվող մթերքի (օրինակ՝ մարգարինի, որը բացառիկ վտանգավոր է ուռուցքային հիվանդությունների ռիսկայնություն ունեցող մարդկանց համար) Դոկտոր Բադվիգի հայացքներն ու պատկերացումները նրա ողջ կյանքի ընթացքում պաշտոնական բժշկության կողմից ենթարկվել են հարձակումների կամ համաձայնեցված անտեսման՝ կապված դեղագործական և սննդի արդյունաբերությունների փոխադարձ շահերի հետ:
Ինչպես հիշում է դոկտոր Բադվիգի նախկին պացիենտ Կ. Բեկուիտը, ով տասը տարի շարունակ եղել է նրա հսկողության ներքո՝ շագանակագեղձի քաղցկեղի պատճառով, այդ ժամանակահատվածում վավերացվել է քաղցկեղի բուժման մոտ 1000 հաջող պատմություն: Սակայն դեղագործական և ուռուցքաբանական արդյունաբերություններն անուշադրության են մատնել Բադվիգի ձեռքբերումները: Ավելին, նրա գիտական եզրահանգումները լրջորեն անհանգստացնում են սննդի արդյունաբերությանը, քանի որ դրանք կարող էին հարված հասցնել ճարպերի արտադրության ոլորտին: Բադվիգն անթույլատրելի էր համարում ռաֆինացված որևէ ձեթի, այսպես կոչված, արհեստական ճարպերի (մարգարին, մայոնեզ) օգտագործումը, որոնք ստացվում են լրիվ կամ մասնակի հիդրոգենացման եղանակով: Բոլոր այդ յուղերը վանվում են օրգանիզմի, սրտամկանի կողմից՝ առաջացնելով տարբեր խանգարումներ, այդ թվում՝ հյուսվածքային մակարդակում: Ընդ որում, նա «վատ» ճարպերի շարքին է դասել նաև հրուշակեղենի արտադրությունում լայնորեն կիրառվող չհագեցած ճարպերը: Բադվիգի պատկերացումներով, թույլատրվում են կիրառության ածխաջրածինները, որոնք պարունակում են բնական շաքար. խնձորը, ֆիգը, տանձը, խաղողը, և չի թույլատրվում օգտագործել որևէ տեսակի ռաֆինացված շաքար, մակարոնեղեն, սպիտակ հաց, ճարպոտ միս, տապակած և պահածոյացված սնունդ:
Առողջության պահպանման համար պրակտիկորեն բոլորին նա խորհուրդ է տալիս ամեն օր կիրառել 100 գ կաթնաշոռ և 5 գ կտավատի սառը ճզմվածքի ձեթ։ Բադվիգի սննդակարգի համաձայն՝ նախաճաշը կարող է ներառել կտավատի սառը ճզմվածքի օրգանական ձեթի հետ խառնված մեղր, ոչ մեծ քանակության թարմ կաթ և հատիկավոր կաթնաշոռ: Թույլատրվում է ավելացնել ընկույզ (ո՛չ արախիսի) և սեզոնային թարմ մրգեր: Անհրաժեշտ է նշել, որ դոկտոր Ջոաննա Բադվիգը ծանր դեպքերի համար նշանակել է մինչև 3 ճաշի գդալ կտավատի յուղի և 100 գ կաթնաշոռի խառնուրդ: