Կրթության փորձագետ Սերոբ Խաչատրյանը ֆեյսբուքի իր էջում գրել է.<<Ուզում եմ նշել, որ դպրոցներում դասերը 8.30-ից շուտ սկսելը բացասաբար է ազդում երեխաների հոգեկան առողջության վրա։ Եթե որոշ երկրներում դասերը սկսում են 8-ին, չի նշանակում, որ ճիշտ են անում։ Այդ երկրները պարզապես զոհաբերում են իրենց երեխաների առողջությունը բիզնեսի շահերին։ Այսինքն՝ դպրոցի ժամերը հարմարեցնում են աշխատանքային ժամերին։ Ի դեպ, Էստոնիան, որը Եվրոպայի լավագույն դպրոցական համակարգերից մեկն ունի, այս սեպտեմբերից դասերը սկսելու է 9.00-ին՝ 8.30-ի փոխարեն։ Երևանի դպրոցական երեխաների առյուծի բաժինը չի երթևեկում, հաճախում է հարևանությամբ գտնվող դպրոցը։ Խցանումներից խուսափելու համար, մենք հարվածի տակ ենք դնում երեխաների հոգեկան առողջությունը։ Էստոնիան հայտարարել է, որ դասերը ուշ սկսելու նպատակը երեխաների հոգեկան առողջությունը պահպանելն է։ Նախորդ փոստում բերել եմ որոշ գիտական հիմնավորումներ։ Հավելենք, որ Երևանի դպրոցներում դասերը Սեպտեմբերի 1-ից կսկսվեն 08։15-ից։

Քաղաքապետարանը Երևանի բոլոր դպրոցներին տեղեկացրել է, որ այսուհետ դասերը դպրոցներում կսկսվեն ոչ թե 08։30-ին, այլ՝ 08։15-ին։
Նշենք, որ մարզերում դասերը սկսվում են ժամը 09։00-ից։