Չինական առցանց հարթակ Temu-ն կանգնած է Եվրամիության լուրջ տուգանքի սպառնալիքի առջև՝ մինչև իր համաշխարհային շրջանառության 6%-ի չափով։ Պատճառն այն է, որ հարթակը խախտում է թվային ծառայությունների մասին օրենքը։ Բրյուսելում կարծում են, որ մարդիկ ռիսկի են ենթարկվում` այս կայքից անօրինական կամ վտանգավոր ապրանքներ գնելու դեպքում։
«Սպառողների անվտանգությունը ԵՄ-ում առևտրի հարց չէ», — ընդգծել է Եվրահանձնաժողովի փոխնախագահ Հեննա Վիրկունենը։
Temu-ի նկատմամբ քննությունը սկսվել է դեռ 2024 թվականի հոկտեմբերին։ Եվրահանձնաժողովը ուսումնասիրում է ոչ միայն հարթակի վաճառվող ապրանքները, այլև դրա ինտերֆեյսը՝ որը կարող է կախվածություն առաջացնել գնորդների մոտ և դրդել նրանց չմտածված գնումների։ Չնայած այս ամենին՝ Temu-ն շարունակում է ակտիվորեն աճել, հատկապես Գերմանիայում։ Եվրոպայում ավելի քան 45 միլիոն օգտատիրոջ համար հարթակը ձեռնտու է։
Temu-ի հասցեին լրացուցիչ քննադատություն են հնչեցնում նաև եվրոպական սպառողների իրավունքների պաշտպանության կազմակերպությունները։ Նրանց տվյալներով՝ հարթակը կիրառում է կասկածելի մեթոդներ՝ սկսած կեղծ զեղչերից մինչև ապրանքի վերադարձ։ Ինչպես նաև գնորդներին շփոթեցնում են` նշելով, որ ապրանքիղ մնացել է երկու հատ։