Ստամբուլի ընդդիմադիր քաղաքապետ Էքրեմ Իմամօղլուի և ավելի քան 100 մարդու ձերբակալումը բողոքի ալիք է բարձրացրել Թուրքիայում, ինչպես նաև դժգոհության տեղիք տվել Եվրոպայում։ Հայտնում է ermenihaber-ը։ Եվրախորհրդարանի (ԵԽ) ազդեցիկ քաղաքական ուժերից «Եվրոպացի ժողովրդավարների» խմբակցությունը դատապարտել է Իմամօղլուի ձերբակալությունը: Քաղաքական ուժը տարածել է հայտարարություն, որի մեջ մասնավորապես ասված է. «Ստամբուլի քաղաքապետի և ընդդիմության առաջնորդ Էքրեմ Իմամօղլուի շտաբի վրա ոստիկանության հարձակումը, բոլոր օգնականների, ներառյալ 100 մարդու և լրագրողների ձերբակալումը, ցույց է տալիս Էրդողանի կողմից ընդդիմադիր գործիչների դեմ ճնշումների վտանգավոր աճը: Սոցիալական ցանցերի արգելափակումը, մետրոյի կայարանների փակումը և բողոքների ճնշումը՝ սրանք ավտորիտար ռեժիմների մարտավարություններ են: Եվրոպան չի կարող լուռ մնալ: Ազատությունը, ժողովրդավարությունը և օրենքի գերակայությունը բանակցությունների առարկա չեն»:«Թուրքիայում ժողովրդավարությունը շրջափակման մեջ է»Սոցիալական ցանցերում հրապարակվել է Իմամօղլուի լուսանկարը և արվել հետևյալ գրառումը՝ «Թուրքիայում ժողովրդավարությունը շրջափակման մեջ է»։
Եվրոպայի արձագանքը. «Թուրքիայում ժողովրդավարությունը շրջափակման տակ է»
