Երկրի պտույտի արագությունը վերջին տարիներին աճում է։ Ֆիզիկտեխնիկական և ռադիոտեխնիկական չափումների համառուսաստանյան գիտահետազոտական ինստիտուտի փորձագետները հայտնում են, որ Երկրի պտույտի արագությունը վերջին տարիներին աճում է, և այս ազդեցությունը փոխհատուցելու համար մինչև 2029 թվականը համաշխարհային ժամանակից մեկ վայրկյան պետք է հանվի։ Գիտնականները կհաղթահարեն համաշխարհային ժամանակից մեկ վայրկյան հանելու խնդիրը, երբ նման անհրաժեշտություն առաջանա մի քանի տարի անց։ Վայրկյան գումարելու կամ հանելու տեխնիկական առաջադրանքը վաղուց մասնագետների համար խնդիրներ չի առաջացնում։ Գիտնականների կարծիքով՝ Երկիրը անընդհատ դանդաղում ու արագանում է, և այժմ գտնվում է արագացման ռեժիմում։ Ավելին, հետազոտողները դեռ ստույգ պատասխան չունեն այն հարցին, թե ինչո՞ւ է դա տեղի ունենում։ Հնարավոր պատճառներից մեկը կարող է լինել գլոբալ տաքացումը, սառցադաշտերի հալքը և ջրային զանգվածի վերաբաշխումը: Բայց գուցե սա չէ հիմնական պատճառը։ Երկիրը տաքանում է, և մոլորակի ներսում ուժեղացված գործընթացներ են տեղի ունենում։
Լևոն Ազիզյան