Այսօր զինված մարդիկ հարձակվել են Երուսաղեմի հյուսիսում գտնվող ավտոբուսի վրա և կրակ բացել ուղևորների ուղղությամբ: Շտապօգնության ծառայության տվյալներով՝ զոհվել է առնվազն չորս մարդ, ևս 11-ը վիրավորվել են, որոնցից մի քանիսը ծանր վիճակում են:
Դեպքը տեղի է ունեցել քաղաքի մուտքի մոտ՝ Արևելյան Երուսաղեմի հրեական բնակավայրեր տանող ճանապարհին: Իշխանությունների տվյալներով՝ հարձակումն իրականացրել են Արևմտյան ափի երկու բնակիչներ: Նրանք կրակել են ավտոմատ զենքերից: Հաղորդվում է, որ հարձակվողները «չեզոքացվել են»: