Երկրի բնակիչները կարող են տեսնել եզակի աստղագիտական երևույթ «ցածր» լիալուսին 18 տարվա ընթացքում առաջին անգամ որը կոչվում է «ելակի լիալուսին»։ Ավելին, Երկրի արբանյակն այսօր նույնիսկ ավելի ցածր է, քան Արևը ձմռանը։ Լուսինը կրկին այս դիրքը կզբաղեցնի միայն 2043 թվականին։ Ինչպես սպասվում է Երկրի բնական արբանյակը իր լրիվ փուլին կհասնի այսօր՝ հունիսի 11-ին, Երևանի ժամանակով ժամը 11:44-ին:
«Ելակային լուսինը» գեղարվեստական անվանում է տարվա հունիս ամսվա լիալուսնի, որը սովորաբար դիտվում է ամառային արևադարձից մի քանի օր առաջ կամ հետո։ Անվանումը ծագում է հյուսիսամերիկյան բնիկ ցեղերից, մասնավորապես ալգոնքիններից, ովքեր հունիսյան լիալուսնի ժամանակ հավաքում էին ելակի բերքը, և այս լուսինը նրանց օրացույցում խորհրդանշում էր այդ շրջանը։
Երևույթը տեսնելու համար կեսգիշերից կարճ ժամանակ առաջ պետք է նայել պատուհանից դուրս չորեքշաբթի և հինգշաբթի՝ հունիսի 11-ին և 12-ին։ Երևույթն արդեն ֆիքսել են Նովոսիբիրսկի, Մոսկվայի և այլ քաղաքների բնակիչներ։ Լուսանկարից դատելով՝ Լուսինը իսկապես ստացել է նուրբ վարդագույն, ելակի գույն։