Ֆեյսբուքյան օգտատեր, քոչարյանական Կարապետ Պողոսյանը տեղադրել է լուսանկարներ ՔԿ Գյումրու վարչական շենքից ու պնդել, թե իբր դարպասներին թուրքական կիսալուսին են ավելացրել։
ՀՀ ՔԿ խոսնակ Կիմա Ավդալյանն արձագանքելով գրառմանը, մեկնաբանություններում գրել է.
«Մի փոքր պատմական ակնարկով սկսեմ…
Շենքը կառուցվել է 1983 թվականին, եղել է Ստանդարտացման ազգային մարմնի շենքը: Ավելին ասեմ, այսպես կոչված «Չափ ու կշեռքի» շենքում հետագայում տեղակայված է եղել նաև Գյումրու քաղաքապետարանը՝ մինչեւ նոր շենքի կառուցումը:
Նկարում պատկերված նշանը հիմնադրման օրվանից եղել է շենքի դարպասների վրա ու հետաքրքիր է՝ ինչպես է վրիպել Ձեր աչքից: Շենքի դարպասների վրա պատկերված են ռուսերեն «стандартизация» բառի С և т տառերը:
Զարմանալի է, որ լինելով գյումրեցի, մինչև հիմա չգիտեք, թե ինչ են նշանակում շենքի դարպասների վրա առկա տառերը:
Հորդորում եմ զերծ մնալ մանիպուլացնող հայտարարություններ տարածելուց և ցանկալի պատկեր տեսնելու՝ Ձեր վառ երևակայության դրսևորումներից»։