Իտալիայի Բրեշիա քաղաքի Սանտա Ջուլիա թանգարանում այցելուն սայթաքել ու ընկնելուց բռնել է XVI դարի նկարիչ Մորետո դե Բրեշիայի գեղանկարից` պատռելով այն։ Նկարն անմիջապես ուղարկել են վերականգնման, որի համար կպահանջվի մի քանի հազար դոլար։ Քանի որ այն ապահովագրված է, այցելուն չի վճարի վերականգնման գումարը։ Մորետո դա Բրեշիայի կտավը թվագրվում է 1522–1524 թվականներին։ Այն երկկողմանի պաստառ է։ Մի կողմում կան երկու անհայտ սրբեր, մյուս կողմից՝ Մարիամ Աստվածածինը՝ Դիսցիպլինատ կրոնական շարժման ներկայացուցիչների ուղեկցությամբ։ Դե Բրեշիան Ֆյերովանտե Ֆերամոլայի աշակերտն է։ Վերջինիս աշակերտներից է հանճարեղ Տիցիանը։