Բեռլինն ու Անկարան վիճում են դոներ քեբաբի պատրաստման տարբեր բաղադրատոմսերի շուրջ։ Այս մասին գրում է The Telegraph-ը։ «Թուրքիայի քայլը՝ իրական դոներ քեբաբը պաշտպանել իրավայան ճանապարհով, կարող է վերջ դնել Գերմանիայում այդ արագ սննդի ապագային», – նշվում է հոդվածում։ Գարնանը Թուրքիան դիմում է ներկայացրել Եվրամիությունում իր տարբերակ դոներ քեբաբի գրանցման համար։ Եթե այն հաստատվի, ուտեստը կստանա նույնպիսի օրինական պաշտպանություն, ինչպիսին ունի, օրինակ, ֆրանսիական շամպայնը, նեապոլիտանական պիցցան կամ գրանցված այլ սնունդ։ Եթե Բրյուսելն աջակցի Անկարային, ապա Գերմանիայում դոներ քեբաբը կպատրաստվի միայն թուրքական բաղադրատոմսով, հակառակ դեպքում, վաճառողները ստիպված կլինեն փոխել ուտեստի անվանումը։ Թուրքիական դոները պետք է պատրաստվի միայն մարինացված մսից՝ յոգուրտի և կանաչիների խառնուրդով։ Թույլատրելի միսը հավն է, գառը կամ տավարի միսը։ Բացի այդ, միսը պետք է կտրվի հորիզոնական՝ 3-5 մմ հաստությամբ։ Նշվում է, որ Անկարայի այս քայլերը դժգոհության մեծ ալիք են բարձրացրել Գերմանիայում, որտեղ տարեկան վաճառվում է ավելի քան մեկ միլիարդ դոներ քեբաբ։ Եթե կողմերին չհաջողվի գալ համաձայնության, որոշումը կկայացնի Եվրահանձնաժողովը։ Ավելի վաղ հայտնի էր դարձել, որ Ռուսաստանում 2025 թվականին հնարավոր է մտցնեն շաուրմայի համար պետական ստանդարտ (ГОСТ)։